因拍攝電視劇《老表，你好嘢》人氣急升的陳明恩 ，擁有一頭金髮，卻說得一口流利廣東話。有豐富唱歌經驗的陳明恩更一償心願，於本月十三日正式推出首張個人專輯《香港有個陳明恩》，希望港人喜歡她這個「白皮黃心」的奶皇包。

陳明恩一償心願，推出首張個人專輯，更發表自己的作品。

「鬼妹仔」陳明恩有顆少女心，渴望有男友陪伴。

陳明恩因拍《老表，你好嘢》彈出，同劇演員簡直Friend過打Band。

夢想成真擁有首張個人專輯的陳明恩，回想當初曾因為冇機會出碟而陷入低潮，幸得朋友相助及鼓勵：「上年初期，成個人都幾低谷，但係我啲朋友就叫我唔好咁諗，唔係一定要有自己專輯，咁我就搵祖藍同John Laudon幫我寫咗首《異種》，當時冇諗過有得出碟，但係《老表，你好嘢》一出街就多咗人認識我，之後就簽咗經理人公司，幫我出碟。」陳明恩坦言香港是她的家，故將專輯名改作《香港有個陳明恩》：「香港係我屋企，人哋當我唔係香港人，自己有啲唔開心，唔知自己屬於邊度。今年大家喺電視機入面認識到我，知道我係屬於香港。」

此外，新碟中還有陳明恩的個人創作，表達她的少女心事：「我之前好鍾意一個男仔，但係大家又唔係好夾，所以淨係同佢做朋友，但有一次因為病咗而好想打畀佢，之後又諗到神就好似我咁，好想同我哋傾偈，靈感一到半個鐘就寫好隻歌。」

少女心事寫落歌

對愛情充滿憧憬的陳明恩，以專輯中《I'll Wait For You》一曲寄寓她的愛情觀，更希望這一首歌能送給未來老公：「我真係好需要有個男仔陪我或者拍吓我背脊鼓勵我，好似我爸爸咁保護我。」