藝人蕭正楠（Edwin）及曹永廉（阿廉），日前現身秀茂坪為新劇《師奶Madam》拍攝一場踢波情節，期間「少女兼師奶殺手」Edwin不但「畀女圍」，更獲粉絲送贈聖誕蛋糕醫肚，令他冧爆甜笑！

老友鬼鬼的阿廉（左）與Edwin，齊於工作中度過佳節。

深受女士歡迎的Edwin，笑到見牙唔見眼！

問到聖誕要開工的二人會否被家人及朋友「詐型」？阿廉即笑指家人「各自各精彩」，Edwin則大爆已與好友陳敏之等開Party：「我哋交換禮物，我抽到化妝袋！」他更預告將為下套劇的「床上戲」操出六舊腹肌：「可能要拍沖涼戲同肉搏戲！（即係打鬥戲？）我估係床上面嗰種。」另外，Edwin透露下月將與視后田蕊妮（阿田）到星馬地區擔任開幕嘉賓：「會同阿田去做開幕，同時慶祝《巨輪》喺嗰邊首播！」