無綫藝人黃建東（Derek）與郭晉安早前在無綫新劇《忠奸人》結劇緣，Derek在劇中飾演安仔患躁狂症的弟弟，第一場戲Derek便要喪鬧郭晉安，他說：「埋位心情好緊張！因為我細細個已經睇郭晉安嘅戲，要咁樣喪鬧佢，好似好冇大冇細！所以我初頭都有啲就住就住，不過安仔叫我唔使客氣，即管放膽鬧佢，仲畀咗啲意見我參考，於是我就盡情投入角色，鬧個夠本，到依家我仍然好難忘呢場戲！」為了更得心應手地掌握躁狂症患者的角色，Derek自言花了不少工夫：「好感謝監製王心慰畀我呢個演出機會，為咗演起嚟更加神似，我上網做咗好多功課，睇咗好多躁狂症病人紀錄片，又喺屋企模仿患者，希望拍攝時更加真實，希望大家對我嘅演出都滿意啦！」

Derek（左）和偶像安仔拍劇，當然緊張又興奮！