單身的龔嘉欣於微博呻佳節冇人陪，剖白自己一顆寂寞的心，雖然唔知點解冇人約，各位男士看後會否排隊爭住約會她呢？

「窈窕淑女，君子好逑」，但唔係位位靚女都被人封盤，好似無綫藝人龔嘉欣咁，樣子甜美，加上與鄧健泓甩拖後，理應不乏追求者，不過日前聖誕節，她似乎要過「Lonely Christmas」，相當寂寞。不少人甩拖後都會講「依家以事業為重」，但有時單身過節確實倍添傷感，相信平時少談感情狀況的嘉欣正是一樣被寂寞打敗，於是在微博呻︰「此刻最想聽到的一句話，『我想跟你過聖誕』，這個人在哪裏？」講到咁出面，難道身邊的朋友個個都有着落？

其實龔嘉欣單身後都鮮有緋聞，究竟是她眼角高拒絕不少異性，還是給人感覺「生人勿近」？點都好，今個聖誕冇人陪唔使愁，留在家中都可以有很多節目，例如早睡早起也不錯。如果唔想咁，下次不如早點約人，以她的質素，應該很多人排隊爭住約呢！