歌手連詩雅（Shiga）昨日偕麥家瑜出席《第48屆工展會》的《80 Boxing Day》活動，雀躍的她自爆是工展會迷，每年工展會定必狂掃家品，由於工作太忙，她打算日內才和同事來「血拼」，又爆其媽咪級同事最愛掃美食展場。自認黐家的Shiga，平日最愛陪媽咪逛街市，故笑稱如果有人在豬肉檔見到挽住袋豬肉的她，不必大驚小怪。問到撚手菜式，Shiga自認最拿手整甜品，曾試過親手做甜品請男性朋友吃。又問到煲湯及煮餸？她說：「餸就只有媽咪食過，煲湯就交畀媽咪負責！」前晚聖誕節，Shiga和媽咪共進燭光晚餐，可說是過了溫馨的一晚！她又表示大手筆買了幾千元靚衫孝敬母親大人：「媽咪唔捨得買貴衫，我就豪爽啲送畀佢！況且今年我都賺咗唔少錢。」

Shiga（左）與麥家瑜一同出席工展會活動。