東網電視
更多新聞短片將於下月1日迎娶女友Tina的梁烈唯明年底才擺酒，惹來女友大肚疑雲，但他否認奉子成婚，並指因二人工作太忙才要隔9個月擺酒。
下月娶老婆的唯唯疑奉子成婚，更揚言與女友「不設防」！
唯唯曾因籌備婚禮而與Tina鬧交，幸而和好如初。（資料圖片）
有愛情滋潤的Sherman，演出時零舍風騷。
即將做「老襯」的梁烈唯，昨日偕鍾舒漫（Sherman）出席聖誕活動，唯唯定於下月1日，跟拍拖11年的女友Tina註冊結婚，當日只會邀請雙方家長出席，至於喜酒則於明年10月才舉行，屆時再邀請所有親友，預計擺60圍左右。問到註冊和擺酒事隔9個月，是否因為「雙囍臨門」？他說：「我都想，係就開心。」他解釋因為彼此工作太忙及酒席問題所致，又指向來跟女友「不設防」，假如女友於擺酒前懷孕便會再延期。
唯唯又透露曾因籌備婚禮而與女友鬧交：「好似註冊當日，為咗場地要唔要布景板就鬧過交，身邊長輩話應該遷就吓女仔，之後就冇事。」事後唯唯接受電話訪問，再次澄清並非「奉子成婚」：「邊有咁好彩？但我會努力o架喇！」
鍾舒漫煙韌開餐
至於Sherman表示聖誕期間在內地工作，未能與男友吳浩康慶祝平安夜，但早前已食飯慶祝：「我哋去咗間幾貴嘅餐廳食飯，佢即場申請張會員卡畀我，佢話第一次送卡畀人，我就送手機畀佢。」
音樂組
