萬綺雯及李思捷等昨日為新劇《牛頭愛搭馬嘴》拜神，綺雯表示聖誕要開工，問怎樣補償老公，她說：「我就係禮物！遲啲陪佢去北海道，到時打大蝴蝶喺身送畀佢！」提到傳李思捷改劇本犯眾憎，綺雯說：「佢冇可能改到劇本！對白講風水術數，我唔信佢改到！反而要一字不漏！」思捷亦澄清：「冇咁嘅事！寫我負面嘢可以賣多兩本書，當幫吓佢！我清楚自己崗位，唔可以做編劇、導演，要尊重每個人！」他透露最近初嘗獨居，又稱已戒掉夜蒲：「唔好太耐！我都要溝女嘅！有好嘢就溝，未有就享受吓麻甩佬嘅感覺！」

萬綺雯力撐思捷背對白隻字不漏，冇亂改劇本！