莊思敏賽車撞到飛起

模特兒莊思敏（Jacquelin）向來大膽，曾參加慈善賽車的她，最近更立志成為賽車手參加專業賽事，前日首次到珠海練車的她說：「我向來鍾意揸車，加上識咗個朋友喺珠海有賽車場，所以依家有時間就會上去練車，有師傅贊助我學車。（佢覺得你有天分？）還可以啦！如果揸得唔好就唔會贊助我。」問到會否怕危險？她自爆前日練車已經撞欄：「撞到成架車飛起！不過人就冇事，其實賽車好安全，因為賽道周圍有防撞欄，而且架車入面有防撞架。」Jacquelin希望明年可以落場比賽，成為首位出賽的女藝人，但首要是做出理想圈速。