名模Mandy Lieu雖然忙於在台灣拍電影，但亦不忘行善。日前她率領公司旗下模特兒在赤柱大街義賣朱古力，Mandy專向小朋友父母落手，賣朱古力之餘，還向小朋友送上愛的抱抱，成功賣出不少朱古力，現場更有不少粉絲索簽名及要求合照。

Mandy（左四）率領旗下模特兒在赤柱義賣朱古力，善心爆棚。

Mandy表示是次義賣很開心，她說：「我係特登由台灣返香港做義賣，一落機就去幫手，連覺都冇瞓。」提到聖誕節，她表示會在工作中度過，繼續在台灣拍戲，：「就算我喺香港都未必有人約o架啦！同一班工作人員過都好開心，雖然今次劇組大部分都係男人，但冇人追我，因為佢哋當我係兄弟。」