Neway二少薛嘉麟與諸葛紫岐的「岐麟B」上月底搶閘出世，「岐麟B」重6磅，肥肥白白，因BB在冬天出世，諸葛又喜愛吃雪糕，故為兒子起了「冰岐麟（Little Ice Cream）」的乳名，更笑指「冰岐麟」的普通話發音與「冰淇淋」相同。

諸葛、薛嘉麟與「雪糕」影全家福，更按習俗派雪茄。

仍在坐月的諸葛，昨日趁聖誕節前夕分享生B喜悅，並按照傳統習俗，向親友派發朱古力雪茄。朱古力雪茄禮盒採用藍色包裝，盒面設計有BB吃雪糕的金色剪影，代表「岐麟B」，並簡單寫上BB的資料：「2013 Little Ice-cream November」，盒內則印有薛嘉麟及諸葛的結婚卡通公仔，代表是「岐麟B」的「出品人」，認真搞笑！她說：「BB英文名叫做Arthur Suek，係『一生充滿故事，喜歡受到注目的英雄；與眾不同，信守承諾的智者。』中文名仍然審批中，落實後會公布。今年我哋第一次一齊過冬，特別影咗輯全家福！平時Arthur好鍾意笑，但我抱住時唔知點解突然嘴扁扁，後尾先知原來我太過肉緊，撳住佢嘅重要部位，搞到佢扁晒嘴！」有子萬事足的她，已將WhatsApp的個人照片換上兒子的大頭照，照片中的Arthur甚為靚仔，似足薛嘉麟。諸葛透露老公有幫手照顧BB，現在已成為換尿片的高手，比保母更為專業！