陳慧琳（Kelly）、曾志偉、單立文及湯盈盈等前晚趁冬至團圓夜錄影最後一集《超級無敵獎門人終極篇》，志偉破天荒讓三代同堂捧場，前妻王美華、兒子曾國祥、曾國猷與老婆張可蕙及孫兒均是座上客。逾十年沒有亮相《獎門人》的Kelly擔任王牌嘉賓，笑言已做足準備贏獎金獎品：「我啲同事為咗聖誕禮物差唔多嚟晒，如果唔贏就冇面目見佢哋喇！」她又表示最怕食辣辣壽司：「真係唔得就搵志偉頂。（冇得同老公、仔仔過冬？）冇辦法啦！一早應承咗上嚟，聽日食都得。」

Kelly扯起頭髮，莫非扮緊孖辮妹？

湯盈盈未能與老公錢嘉樂同組，但仍不時(目及)實。

至於湯盈盈雖然未能與老公錢嘉樂同組，但仍大晒恩愛，盈盈又醋埕上身：「佢頭先玩啜乒乓波時同個女仔咀到呀！雖然佢話冇掂到，但我見到嘴邊有啲Lip Gloss（唇彩）！（個女仔係邊個？）Toby（梁靖琪），係佢我都放心啲！」