歌手JW及阮兆祥昨日到維園工展會出席《開心齊齊過聖誕》活動，JW在台上勁歌熱舞，但一度因未開咪而引起「咪嘴疑雲」，她事後澄清：「我堅持唱Live，都好擔心，未試過咁樣。」她又透露聖誕節會與家人食聖誕大餐及約朋友出街玩，並笑言母親更勸喻她減少夜蒲。

JW被母親開口勸戒蒲，莫非成日出夜街？

此外，有傳陳山聰將回歸無綫，還上《獎門人》試水溫，祥仔說：「已經錄完最後一集，我冇見過。其實冇收過咁嘅消息，我冇權決定邊個上嚟，係由TVB核準。」另外，台慶劇《My盛Lady》結局平均收視為28點，最高29點，跨平台總收視逾30點。當中接獲13宗投訴結局剪輯差、24宗投訴陳敏之演技及唱功遜色。