關詠荷昨日在馬灣挪亞方舟為慈善活動做嘉賓，下廚製作料理，更鼓勵基層兒童勇於面對困境。

關詠荷

她透露曾因照顧女兒而陷入情緒低潮：「我哋做演員嘅情緒好反覆，但湊小朋友又要好有耐性。以前囡囡一喊，我就唔知點算，自己都會嬲嬲哋，但依家知道點同佢相處。」

問到有否避看老公張家輝在新片中與變性人親熱，她笑說：「係有人（指家輝）遮住我雙眼，唔畀我睇！可能驚我罰佢跪玻璃！（唔畀老公拍過激戲份？）要佢自己衡量，但佢都係拍咗先會話我知。（次次都先斬後奏？）唔係，之前拍都有講過，今次只係Kiss。」

此外，談到王維基宣布開台，她稱王生曾聯絡她：「有聯絡，但同無綫撞咗期。我一切以好劇本行先，咁啱嗰時我鍾意無綫嗰劇本。」