賭王何鴻燊與四太梁安琪的兒子何猷君，趁聖誕新年返港度佳節。前晚他被拍得與一班朋友到中環夜蒲，現場所見，外表斯文的猷君亦相當豪氣，拿起酒樽「吹喇叭」，而他亦甚受其中一名女性友人歡迎，期間該女友人一度瞓在猷君大髀上，狀甚親暱！記者昨日致電四太，她否認猷君換畫：「佢同女朋友仲一齊，聖誕都一齊返嚟放假。（有女仔瞓喺佢大髀？）可能玩到攰挨吓啫！佢同我講去個朋友生日會。」記者再問猷君酒量是否得賭王真傳？四太聞言即說：「賭王都唔飲酒。（但猷君吹喇叭？）扮嘢咋嘛！佢平時都會飲吓酒，都係飲少少紅酒咁，酒係用嚟品嘗，唔係吹喇叭嘅！識飲酒係應該，但唔好多！」四太又謂昨晚會偕子女到日本度聖誕，數天後返港。

四太表示猷君與女友仍在熱戀。