名模陳嘉容（Eunis）早前與朋友到夏威夷旅行，玩盡海陸空。Eunis表示旅程中試了很多第一次，還做了人生中最瘋狂的事，就是跳降傘，她說：「初時我冇諗住玩，只係睇朋友玩，但睇完一輯介紹跳降傘嘅錄像之後，發覺好安全，而且教練會抱住你一齊跳，不過跳嗰刻真係要好大勇氣，要從4,500米跳落去，一開始離心力大，直到降傘開咗就可以好輕鬆咁欣賞風景，真係好值得玩。」另外，Eunis又學駕駛飛機，以及與海豚暢泳，她笑說：「整個旅程得六日，但就玩咗好多嘢，好充實，最後兩日我仲病埋，可能係同海豚玩完上水時冷親，返嚟香港過咗一個禮拜先好番。」

Eunis與教練一起跳傘，勇氣可嘉。

Eunis親吻海豚，玩得相當開心。

Eunis與鸚鵡合照，既搞笑又可愛。