組合MVG成員周曉彤（Ivy）早前到泰國旅行兼遊動物園，獲「雙猩」攬腰、拖手及送香吻，Ivy透露因對方「啜」得太用力，其白滑面珠留下「咖喱雞」，她說：「錫到啜啜聲。」

兩隻猩猩爭住咀Ivy，相當搞笑。

猩猩兩手放在Ivy胸前，但Ivy表示Feel唔到。

Ivy摸長頸鹿，被其伴侶誤會施襲。

Ivy母性大發，餵老虎仔飲奶。

周曉彤早前趁有幾日假即相約好友到泰國「叉電」，熱愛大自然的她遊覽當地動物園，期間獲兩隻「猩猩」主動上前拖手，氹得她笑逐顏開，最後索性攬住Ivy「啜」，她說：「佢哋錫到啜啜聲，搞到面珠有咖喱雞，成四、五日先散。（主動咀你？）身邊有工作人員係咁叫佢Kiss Kiss，我覺得佢哋好似人。」

餵老虎仔飲奶

由於「猩猩」將手放在其胸前，問到會否感到抽水？她說：「冇Feel到同冇意識到。」隨即透露離開時遭「鹹豬手」，她說：「準備離開，感覺到被打屁股一下，擰轉頭又冇人，係得兩隻猩猩，當時我都O晒嘴。」她自爆「咀相」已成為其手機桌面，她說：「好多人笑係我新男友。」

Ivy透露最開心可以餵老虎仔飲奶，問到是否恨做母親？她哈哈大笑說：「未諗住，男朋友都未有。」並表示當時遭長頸鹿打爛醋埕咬她：「唔知係咪以為我襲擊佢伴侶，摸摸吓突然有一隻伸個頭埋嚟咬咗我一下，好彩唔係好痛。」