樂壇新人陳慧敏日前出席音樂分享會，獲逾30名歌迷撐場。她出場前拿起結他綵排時不慎弄斷弦線，同場的師兄小肥即取笑她是傻大姐，更大爆她曾誤將水龍頭當作沖廁掣的爆經歷！

小肥專程捧場，以行動支持師妹慧敏推出首張個人專輯。

陳慧敏獲逾30名歌迷撐場，令她大感興奮！

陳慧敏不慎弄斷結他弦線，小肥即落井下石，取笑她是傻大姐。

陳慧敏即場展示歌喉，令樂迷聽出耳油！

巨聲幫出身的陳慧敏日前到尖沙咀出席首張同名EP音樂分享會，獲逾30名歌迷撐場。她出場前練習結他，期間卻不慎弄斷弦線，令她傷心得扁起嘴！有份撐場的師兄小肥見狀即取笑她是傻大姐，經常有「蝦碌」事，更大爆慧敏早前出席廣州音樂頒獎禮的事：「慧敏臨出場去廁所，你知內地嘅廁所通常係踎廁，佢沖廁嗰陣見唔到個踩腳掣，以為個水龍頭係沖廁掣，結果開咗個花灑！好彩佢仲有件褸擋吓，都唔算濕得太嚴重。」

恨頒獎禮打入三甲

提到樂壇頒獎禮將至，作為新人的慧敏對得獎甚有信心：「有信心！心情就好似讀書想攞好成績咁，都想攞頭三名。但唔知評判係點評分，所以係計算唔到。」提到有唱片公司疑似買YouTube MV的點擊率，慧敏說：「如果唱片公司真係選擇咁做而達到宣傳效益，係佢哋嘅考慮，但首歌有冇人鍾意，其實唔會有太大改變。」 小肥亦說：「如果件事係真，又真係幾唔妥！不過連詩雅隻歌的確係Hit，有呢個瀏覽量唔出奇。」