歌手馮允謙（Jay）日前到工展會出席活動，一直在加拿大生活的他首次參觀工展會，他又指加拿大的氣溫可以低至零下四十度，所以甚少戶外活動，問到在冬天有何搞作？他笑說：「咁凍都係匿喺屋企，因為政府規定我哋要清屋外嘅積雪，所以唯一嘅戶外活動都係剷雪。」
對在加拿大長大的馮允謙來說，香港冬天可謂相當溫暖！
Jay又笑指有時會付錢給鄰家小孩叫他們幫手剷雪，問到聖誕可有女伴？他大呻：「我都想呀，今年都冇呀，勁失望，呢啲嘢慢慢嚟啦！」
