黃山怡（糖妹）怒飛舊愛何浩文後，將要過首個「分」後聖誕，為了時刻保持魅力，她與師妹若琪（Takki）決定棄食聖誕大餐，齊齊Keep住做「瘦面族」，變靚之餘更可慳番一筆粉底錢。

Takki（右）揚言要節食瘦面節省粉底液，糖妹即大呼要「跟機」慳埋一份！

糖妹將要度過與何浩文分手後的首個聖誕，惟有找家人作伴。

糖妹咁甜咁Cute，相信不乏追求者！

糖妹年中宣布與拍拖兩年的何浩文（Dominic）分手後，今年將要過「Lonely Christmas」，當師妹Takki催她拍拖時，糖妹笑說：「我啱啱先單身，過咗聖誕先算啦，要為事業衝刺！」她表示聖誕當日要與潘雲峰（糖兄）工作，但仍想收工趕食住家飯：「感受家嘅溫暖，唔想喺出面凍冰冰。」

至於Takki稱出道至今已「吹脹」10多磅，為了實行減肥大計，決意忍口棄食聖誕大餐：「我以前用粉底液係擠一下，依家塊面肥到要擠一下半，所以今年唔可以食咁多大餐！」而貪靚的糖妹聽到後，亦嚷着要加入瘦身兵團：「為咗慳粉底，我都要節食減肥，遲啲會一齊去台灣拍MV，我已經列好個List到時去台灣買嘢食，我哋會由依家開始留肚。」

Takki平安夜失金

Takki又自爆每逢過時過節都會遇上黑仔事件，試過在生日及平安夜遺失銀包，糖妹追問可有試過在大節日與另一半分手？Takki說：「就算我同人分手，都會陪佢過埋個聖誕先分。」糖妹即以過來人身份笑說：「唔使咁有良知o架！」