黎國輝台灣求婚攤大手板等包養

節目主持黎國輝（阿感）計劃聖誕飛台灣，與排舞老師女友YoYo共度，他透露已準備了兩份禮物，分別是藍芽聽筒手套和寶麗萊：「我哋去每個地方都影寶麗萊，希望將來喺屋企黐多啲呢啲相，我哋見面機會唔多，所以一見就影好多相。」阿感坦言視YoYo為結婚對象，並暗示明年九月將送戒指求婚：「早前YoYo同我講，如果想去台灣住，需要一、兩年時間搵工，就住住佢度先，照顧埋我，我覺得好Sweet，佢唔介意我一年冇嘢做。如果男方喺低潮，女友都對你不離不棄，呢個絕對係個好老婆。」他又稱YoYo與「港女」很不同，以往他要大灑金錢製造驚喜，如今即使是異地戀，但只要見到另一半已心滿意足。