歌手張惠雅（Regen）在澳洲完成漫長減壓之旅後，品味變得成熟，連首飾款都有所改變，最近她愛上自製手繪手鈪，愛其色彩繽紛，正合其新歌MV之用，她還打算去「畫」個紋身來配合。

人生多了歷練的Regen，為手鈪塗上顏色的同時，亦反映出其色彩繽紛的內心世界。

製成品在手，難怪Regen笑得如斯滿足開懷。

雖然比前成熟不少，但Regen仍有着少女情懷和一份童心，看她多Cute！

澳洲走了一轉，在Regen而言，是得多還是多失，看她發自心底的笑容便知道。

組合HotCha成員張惠雅（Regen）自澳洲減壓返港後，她的品味也隨之轉變，由可愛少女味變得更時尚型格，最近她迷上色彩繽紛的潮流手鈪，她笑言最高紀錄可以戴上十隻八隻在手上，再加上Tattoo（紋身），可謂型到爆。為配合個性，閒來愛DIY的Regen說：「優雅可在手鈪上鑲有閃石，或會加上仿製食物好似糖仔咁，好Cute！但我就鍾意Shocking　Color，色彩令人有開心感覺。」

澳洲減壓蛻變回歸

新MV中，Regen的打扮已經隨之而改變，她稱從前不太愛打扮，但如今人漸成熟，亦貪靚起來，這個改變，她坦言可能是與澳洲之旅有關：「我以前冇特別打扮，亦非超級愛扮靚，但依家多咗化妝，好大原因係近年去澳洲減壓，精神上得到釋放，諗通咗，鍾意打扮，見到當地啲女仔個個都好靚，我由無動於衷變為好欣賞，可能真係大個咗，成熟咗！」由於變得成熟而愛打扮，Regen亦多買了首飾，最近迷上由人手繪色並鍍上純銀及18K的手鈪，她說：「因為我鍾意戴上手臂，所以我揀手鈪嘅物料要輕，呢啲款我好鍾意，因為顏色好多，今次MV都會配襯嚟出鏡，希望睇住咁Colorful嘅手鈪會從中得到樂趣。」