何佩瑜（Jeana）與同門余曉彤（Hidy）和盧頌之（DaDa Lo）於今年聖誕各有目標，最近有新戀情的DaDa Lo揚言要減肥10磅︰「今個聖誕要節食，目標要減到100磅！因為咁大過女未試過似依家113磅，成日畀人話我肥！不過我比Jeana好啲，因為我唔Dry。」

蜜運中的DaDa Lo風騷晒命，睇唔過眼的Hidy開P幫Jeana物色對象。

Hidy（右起）和DaDa Lo笑Jeana聖誕節Dry爆，令她扮出腿功回擊。

至於今年單身過聖誕的Jeana為了不被睇死，即場公開徵男友，她說︰「年齡唔可以太大，因為男仔一定要有精力同我去蒲！」Hidy其後亦出口為她搵筍盤︰「每年我屋企都會搞Party，咩人都有，男女老幼，咩職業都有o架！」Jeana得知後表現興奮，笑言要識飛虎隊。