新人AGA和組合Robynn & Kendy（R&K）今年選擇與音樂過聖誕，講到聖誕浪漫史，Robynn曾與男友如電影《洛奇》般，十指緊扣溜冰，簡直戲如人生。而Kendy就自爆曾與男友「造人」應節：「英國讀書時，男友屋企有個後花園，一齊砌雪人好溫馨！」雖然AGA封口不談情史，但她笑說：「喺澳洲倒數聖誕，一到正日就同朋友一齊跳河，好好玩！」

同為新人的AGA（左起）、Robynn和Kendy齊撐香港樂壇。

談及香港樂壇不時遭受抨擊，R&K異口同聲說：「可能因為外語歌主流，其實香港都多好歌，只係大家少留意，好多幕後人都努力為樂壇貢獻！」至於AGA則說：「每逢Eason（陳奕迅）收歌，都會有好多人寫歌畀佢，因為知佢乜都敢試，所以唔可以抹煞大家嘅努力！」