2013年可算是許廷鏗（Alfred）的豐收年，Hit歌熱播、個唱夢成真、上位爭做星夢一哥……不過星光背後原來有另一番心酸，視如摯親的契媽半年前心臟病發，如今仍昏迷病榻，Alfred慨嘆愛得太遲，惟有憑歌寄意，教人珍惜當下。

許廷鏗的事業愈唱愈強，但摯親昏迷為他這一年添上陰霾。

為回報粉絲支持，許廷鏗積極操弗開個唱。

許廷鏗

臨近年尾，不少歌手會為整年成績做個小總結，對於許廷鏗來說，2013絕對是個難忘的一年，《青春頌》四台熱播，很多賽前預測都睇好會得獎，Alfred說：「今年簡直係超額完成，有時唔特登去諗、唔去催谷，可能呼聲仲大，只希望如果有機會上台，唔會好似第一年新人拎獎時咁失禮。」

新碟及處男個唱《許廷鏗時光演唱會2013》都以「時光」作為主題，都是Alfred的構思，而新歌《時光》背後的故事更是有血有淚，他說：「我契媽係個樂天、冇咩顧慮嘅老人家，但大約喺半年前，佢帶朋友去羅湖玩，點知喺羅湖關口心臟病發，到今日佢仲喺醫院瞓緊，腦部損毀咗，停過心跳幾次，只可以等佢醒番。」面對摯親徘徊在鬼門關，Alfred方發覺近年工作太忙，未有珍惜與契媽相處時光：「未出事前，佢成日都煮好飯等我，但因為工作太忙冇理到佢。呢首歌係想提自己要及時珍惜，我填好首歌後，都有放喺枕頭畀契媽聽，希望佢早日醒番。」

激減20磅

而個唱將於月底舉行，為了保持最佳狀態，Alfred連日積極健身，再配合健康餐單，成功勁減20磅，不過他坦言無意騷肌：「今次可能會行Punk Rock路線，有機會畫眼線，但唔會爆肌囉！近排爆肌熱潮太勁，無謂班門弄斧。」他透露會有環節回望一路走來的四年星途，亦對未來音樂路線有所展望。