歌手王梓軒為慶祝節目錄影1001集，專誠炮製以「一千零一夜」為主題的特別節目，同節目的四位「兄弟」主持更以一身阿拉伯服裝上陣搞新意思，王梓軒更扮林峯，並獻唱林峯的Hit歌《Chok》。

梁烈唯（右起）、王梓軒、陳國峰與Bob穿阿拉伯服飾，搞搞新意思。

王梓軒扮林峯搞氣氛，真係幾似喎！

王梓軒

劇組特別製作了「一千零一夜」的公仔作紀念。

王梓軒被掟忌廉，變成「雪人」。

由王梓軒、Bob、梁烈唯及陳國峰四位「兄弟」主持的節目「Big Boys Club」日前錄影第1001集，為慶祝甚具紀念價值的一晚，特別製作以「一千零一夜」為主題的節目，四人除以阿拉伯Look示人搞搞新玩意外，還加料請得一大班好友助陣，包括有「星夢幫」的鄭俊弘、王君馨、鄭世豪和陳明恩，還有另一節目「姊妹淘」靚女主持莊思敏、楊秀惠及張名雅等任星級嘉賓，星級評判則有薛家燕、謝雪心及麥玲玲等。

王梓軒坦言當晚終於一償所願，扮翻版林峯，又請得近期Hit爆的《My盛lady》的「任務蓮」王君馨一齊唱跳林峯的熱爆歌《Chok》，兩人更不約而同戴了寫上「B」字的Cap帽，齊齊變身「BB」，他說：「《Chok》呢首歌一出我已經好鍾意，所以花咗好多時間練，嗰晚終於可以同王君馨一齊表演比大家睇。」

Bob被掟忌廉

談及當晚最爆的環節，就是Bob在「兄弟大逼供」中，被問到是不是秘撈月入30萬？Bob說：「點止30萬！」隨即成眾人發洩對象，慘遭掟忌廉，可是Bob卻High爆話：「成日睇電視見到其他人被掟忌廉，以為好慘，原來被掟忌廉可以好High好High，好好玩。」

最近正在籌備婚禮的梁烈唯在大逼供時被問婚禮是否只請高層？他說：「當然唔係，我依家有公司啲股份，係TVB一分子，所以所有同事都係我嘅朋友，唔會只係請高層。」錄影尾聲時，Bob說：「希望兄弟幫能夠一直做落去，到2,000、3,000集，屆時我哋嘅歌舞技藝會更精湛。」