馬來西亞男子組合東于哲由小東和阿哲兩位大男孩組成，早前他們推出新專輯《第三個心願》，唱片的設計酷似紀念冊，充滿校園回憶！問到讀書時的難忘回憶？小東說：「讀書嗰陣有好多兄弟，記得以前拍拖失戀，諗住剪光頭髮重新開始，點知我班兄弟都陪我一齊剪！」至於阿哲則說：「中學嗰陣，我帶住女朋友同朋友出去玩，跟住行山路嗰陣，我女朋友因為着住高跟鞋，不停大叫對腳好痛！當時我心諗，如果我孭住佢好似好冇面，跟住我就同啲兄弟講，不如我哋比賽，孭住各自嘅女朋友鬥快上山！」

阿哲（左）大爆小東非常冧鍾嘉欣，並視對方為女神！

談到心目中的女神時，小東想也不想就說：「鍾嘉欣！佢好耐之前嚟馬來西亞出席活動，當時見到佢已經覺得佢好靚。」此時，阿哲即大爆小東的「惡行」更說：「有次我同佢同鍾嘉欣影相，當時嘉欣企中間！之後返到屋企，見到張相變咗得番兩個人，原來小東Cut走咗我！」