當年憑着一張娃娃臉成為2004年亞洲小姐冠軍的呂晶晶，轉眼已踏入30歲。她現時散發着成熟女人味，經數年努力已成功在競爭激烈的內地市場打響名堂，果真「三十而立」。

踏入三十歲的呂晶晶滿肚大計，希望能於中港兩地發展演藝事業。

近年轉戰內地拍劇賺人仔的呂晶晶，最近轉投新經理人公司，除了繼續主攻發展順利的內地劇集外，亦期待有機會在香港拍劇。不經不覺間，她已踏入30歲，更由昔日的娃娃臉漸變為成熟女士，散發着女人味！

三十而立的她下月將再返內地拍攝青春偶像劇，自言最近桃花運普通的她透露趁空檔積極裝備自己：「唔想嘥咗啲時間，依家專心工作。學功夫、泰拳同鋼琴都係由零開始，開頭打功夫同打泰拳搞到腰痠背痛，腳又瘀晒，彈鋼琴就彈到手指抽筋！學咗個幾月依家適應咗，又可以減壓，希望對拍戲有幫助。」

自爆過孤獨聖誕

提到聖誕節將到，晶晶透露今年要度過Lonely Christmas（單身聖誕），但亦會邀請朋友到家開派對。問到可有難忘的聖誕？她說：「第一年嚟香港試過去蘭桂坊倒數湊熱鬧，但太多人，根本乜都睇唔到。之後好少大時大節出街，寧願喺屋企同朋友慶祝。」