宅男女神陳靜（DaDa）近日復出影壇，她透露聖誕節雖然忙於工作，但亦會舉行「盛女」派對歡度佳節，不介意全女班的她更表示會玩得更開心：「我哋稱之為盛女派對，不過我都唔想做剩女，想快啲有拖拍！」問到擇偶條件，她表示對方必須給予私人空間，不要太黐身，問到可會選擇圈中人拍拖，她說：「唔係咁想，但如果真係鍾意都冇辦法，最好係圈外人，大家唔同行會好啲！（想脫離盛女行列？）梗係啦！男朋友可以依靠同分擔心事嘛！」

DaDa坦言唔想同圈中人拍拖，睇嚟各位宅男有機喇！

曾與杜汶澤合作的DaDa，將再與對方登上銀幕。

新一年將至，DaDa表示會以拍戲為重，將與杜汶澤合作新片的她說：「阿澤係一位好老師，教識我做戲之外，仲教我情緒管理，我自問控制情緒好差，但經過佢嘅開導後，真係有幫助！」有傳她早前密密接Job，半年便了賺五百萬元，她說：「如果真係都幾開心，多謝公司畀機會我！」