名模諸葛紫岐（Marie）本月初宣布為Neway二太子薛嘉麟誕下寶貝仔「冰岐麟」，據知Marie早前曾洽談收身廣告，但正坐月的她已成功收身，令廣告告吹，損失7位數字酬勞，Marie亦笑說：「真係唔知開心定唔開心好！」

諸葛紫岐為Neway二太子薛嘉麟誕下「麟兒」，榮升媽媽的她有子萬事足。據知正坐月的Marie有護士及3名工人幫手照顧兒子，而Marie未坐完月已成功收身，回復未生前100磅的苗條身材，因而失去收身廣告，損失7位數字酬勞。昨日記者致電Marie，她承認因瘦得快而失去收身廣告，她笑說：「冇咗由肥到瘦嘅過程，都唔知開心定唔開心好。（因餵人奶而瘦得快？）正常媽咪做嘅嘢，我都有做，我自己都係好盡責嘅媽咪，凡事親力親為。」

乖仔表情似爸爸

另外，Marie昨日在微博上載素顏照暗示媽媽唔易做，她寫道：「終於可以睡了，新職位不是那麼簡單哦，晚安！」問到是否媽媽唔易做？Marie說：「OK啦，見到BB就得，佢好得意，依家7磅幾，我之前覺得佢有部分似我，鼻高高、眼大、同面尖，但愈大面就愈圓，表情就似爸爸。」