原被視為今年「視后」大熱的鍾嘉欣大熱倒灶，《壹週刊》指她是由於不聽話欲推劇所致，報道更指高層李寶安以「雪藏」作要挾，李寶安昨日怒斥報道荒謬，更指嘉欣是無綫的「明日之星」。

獲公司支持的鍾嘉欣，無懼「被雪藏」傳聞。

以大熱姿態角逐今年無綫台慶頒獎禮「視后」的鍾嘉欣，最後慘食白果，事後《壹週刊》報道指是她欲推劇所致，而賽前更被集團總經理李寶安「照肺」，並以「雪藏」要挾，令嘉欣最終零獎項。

BB獲封明日之星

李寶安昨日受訪時強烈否認，他說：「非常荒謬，令我更加反感！印證到我哋當初封殺壹傳媒嘅決定更加正確！（真係雪藏？）我從來冇講過要雪藏鍾嘉欣，無論對內對外，公司都會為佢物色更多發展機會，佢係無綫嘅『明日之星』！唔好講到無綫咁霸道，我哋唔想藝員為呢啲不實報道唔開心，所以必須澄清。」而獲封「明日之星」的嘉欣，受訪時多次多謝無綫，她說：「好多謝李生咁支持同關心我，傳聞始終係傳聞，我喺TVB長大，係無綫畀咗一個家我，公司有咩決定我都會尊重，亦唔會為今次攞唔到獎而唔開心，得獎嘅嘢慢慢嚟啦！我仲好後生！」雖然鍾嘉欣忙於拍攝新劇《大藥坊》，但稍後將會到韓國，與當地著名男星延正勛合作拍攝愛情微電影，她還笑言屆時會問延正勛是否認識其偶像池誠，並希望對方能約池誠出來茶敍。