謝霆鋒昨晚出席英皇電影《救火英雄》首映，被追問與前妻張栢芝及傳緋聞的文詠珊（JM）關係，霆鋒指栢芝是兩名兒子的母親，大家關係不會分割，更首度點頭承認兒子Lucas及Quintus會在新加坡讀書！

謝霆鋒瞓身拍戲，望外界不要抹煞其努力。

內地女星白冰有喜，於首映禮上喜獲楊受成送上禮物，分享喜悅。

余文樂（左起）、胡軍與安志杰分享拍攝趣事。

拉姑與兒子霆鋒的宣傳板合照一樣開心。

吳浩康與鍾舒漫拍拖亮相。

謝霆鋒、余文樂、任達華、陳偉霆及安志杰等昨晚連走兩場為英皇電影《救火英雄》慈善場及首映禮造勢，電影公司老闆楊受成、高層霍汶希、狄波拉與老公、賭王三太陳婉珍、鍾舒漫及衛詩雅等齊捧首映。霆鋒與余文樂一同受訪，問到霆鋒有關與JM的戀情時，身旁曾跟JM傳緋聞的余文樂即說：「佢哋寫啫，寫我同你都得。」工作人員亦為霆鋒擋駕，着記者問電影問題。

霆鋒不談JM，但對於早前到新加坡探望一對兒子及與栢芝見面，霆鋒說：「我喺爹哋，總會同小朋友見面，我同佢哋媽咪（指栢芝）點會冇關係？」至於有傳兒子會在新加坡讀書，霆鋒點頭承認，再問父子分隔兩地會否較難見面，霆鋒欲言又止，問到是誰決定兒子到新加坡升學？霆鋒則表示不作回應。

白冰宣布有喜

早前有指霆鋒有新片上便爆緋聞，他對此直言很介意：「千祈唔好咁講，公平少少，我拍戲跳咁多層樓，做咁多辛苦嘅嘢，咁講似乎抹煞咗工作，動機唔正確，呢樣嘢最唔開心！」另外，謝婷婷因工作臨時缺席，與舊愛安志杰緣慳一面。而新婚的內地女星白冰於首映禮上獲宣布有喜，楊受成即場送上BB禮物。