林海峰（Jan）昨日聯同擔任「好運之星」的洪永城和糖妹（黃山怡）出席記者會，阿Jan為賽馬會於元旦舉行的「好運1月1賽馬日」設計「3OMETHING LUCKY」一系列紀念品，更請來冠軍練馬師葉楚航及兩名騎師梁家俊和鄭雨滇行Catwalk。阿Jan自爆中學時代有給馬會做「善事」，現首次和馬會合作，希望可給馬迷打開幸運之門。問到可有入場賭馬？他說：「娛樂圈都係偏門嘢，下月喺紅館開騷我都賭八場o架！」場場爆滿已經贏硬？阿Jan卻說：「唔係啲飛賣晒就開心，都要講口碑。」

林海峰自爆中學時已「幫襯」馬會。

扮被糖妹鞭打的洪永城七情上面，勁搞笑！