新任爸爸陳豪昨日以天價接替太太陳茵媺去年主持的聖誕宣傳活動，肩負起賺奶粉錢的重任。他大讚囝囝夠Chok，個個都爭住錫！

諗起老婆和Cute爆囝囝，陳豪工作都笑得零舍開懷！

陳豪（左二）和吳雨霏喜獲費列羅亞洲有限公司總經理Mr.Peter Poon（左）和市場推廣總監Mr.Spencer Lee親自接待。

「金莎聖誕號電車」金光閃閃，靚車當然不少得索模襯托！

陳豪昨日擔任「金莎聖誕號電車」啟動禮的主禮嘉賓，繼太太陳茵媺去年出席金莎巧克力七彩金莎聖誕樹宣傳活動後，今年由他接力以六倍酬勞代太太賺奶粉錢！撐場的豪媽舉機拍照，記者要求拍照時卻顯得怕醜，陳豪笑說：「佢返嚟幫手湊B，依家兩家人食飯好熱鬧。」他還透露BB很健康，將會根據性格改中文名，並笑不攏嘴地說：「佢好可愛，好Handsome，同佢影相會Chok樣，好Cute！個個爭住錫。（會唔會扭計飲夜奶？）實有，係辛苦o架，但我好享受箇中樂趣！」他表示現在凡事會站在父母立場看，亦多了份憂心，常常掛念BB。

他又指無綫台慶頒獎禮的賽果驚喜：「大家都有獎，幾公平！（話張智霖失獎失風度？）佢有獎應該開心！」提到黃秋生指鍾嘉欣幾廿歲還被封BB？他笑說：「好多女士用呢個名。（叫老婆做BB？）唔會話畀你哋知！」提到有傳鍾嘉欣因曾推劇而失視后？他大讚嘉欣努力，但得獎亦要講運氣，亦不覺得公司獨裁。此外，他在活動完結前見到東網已上載其即時新聞，即大讚東網夠快：「嘩！咁快嘅！好嘢呀你！好嘢！」更風趣笑說：「你快我咪睇囉！你慢我咪唔睇囉！OK！」

單身Kary佳節黐家

同場的吳雨霏（Kary）透露聖誕節會跟家人度過，沒有男朋友亦不會特別感觸。混血索模Jocelyn則獲老公Anthony與老爺奶奶撐場。近日氣溫驟降，現場模特兒陳瑞瑩凍到凸點，而Alice B.除外套時亦凍到大叫。