少奶奶關之琳呻悶想搞生意

退出幕前的大美人關之琳，與台灣富商陳泰銘感情穩定，昨日她出席好友投資的EVIDENS DE BEAUTE美容護膚品牌活動時透露，有意投資護膚品生意：「我試咗一種產品，好滑o架！不過如果真係搞呢啲生意，又要參觀廠，仲有好多嘢要做，自己又唔係好識。依家好悶，又唔想拍戲，想有啲細藝！（預計投資幾錢？）唔知，希望唔會太多，睇吓有冇人願意投資啦！」問到可有請教男友意見？她笑言不會。而經常被傳婚訊的她可有好消息？之之坦言暫未計劃結婚。此外，對於藍潔瑛疑受訪時爆出遭兩位影壇大哥性侵，她表示認識藍潔瑛，但沒聽聞此事，又認為這些事情不可信，不欲多談。