於90年代走紅、現年50歲的藍潔瑛近年屢傳精神出問題，昨日有指她受訪時自爆20多年前曾被兩位影壇大哥強姦，未有報警令身心受創，更曾多次自殺不遂。昨日記者致電藍潔瑛，她表示有看該報道：「我冇做過訪問！（屈你？）係！（告佢？）遲啲你咪知囉！」但記者指她於報道中承認曾遭性侵，她即匆匆收線。其友人楊曼莉說：「我唔敢講，唔敢得罪人。（佢被姦所以有心理障礙？）如果係，個個女人都會有陰影，但我唔知。」演藝人協會秘書長陳芷菁被問到演協會否介入事件？她以短訊回覆：「我們一貫做法是假如藝人找本會，本會才幫忙。」

嘉玲提起同期藝員訓練班出身的藍潔瑛，即眼泛淚光。

藍潔瑛

昨晚出席活動的劉嘉玲，提到藍潔瑛疑爆被姦的事，嘉玲眼濕濕表示沒看過報道：「希望大家伸出援手幫佢，有同佢聯絡，身體狀況唔太好，已經係好耐之前通過電話。（勸吓佢？）其他人入唔到佢世界，得曾志偉化解到。（信唔信係事實？）我未睇，唔可以講啲咩。（打畀佢？）搵佢唔到，最緊密接觸同了解佢係曾志偉同苗僑偉。」

另外，梁永鏗律師指，雖然受害人曾出現精神問題，並於多年後才重提被姦，但仍能提出檢控，又指警方有權主動介入調查：「不過如果當事人唔肯開名，要查就比較困難。」