出爐雙料「視后」田蕊妮台慶當晚以性感開胸晚裝亮相，但懷疑晚裝走位，一眾花旦楊怡、徐子珊及鍾嘉欣等在台上當眾「圍埋」為她整理，加上有份出席台慶的周麗淇（Niki）事後上載一張與阿田等的大合照，有眼利網民看出阿田疑似走光，隨即爆出阿田露點疑雲，而Niki亦迅速剷走照片。

遮光連環圖
（左起）徐子珊、楊怡、田蕊妮、鍾嘉欣

子珊與楊怡於台上互相「檢視」性感晚裝，當發現阿田疑似走位，即哄埋幫手整理免走光。

誰說爭獎就會不和？眾花旦齊心幫阿田「遮光」，嘉欣更負責擋在前方睇水。

阿田昨日極力否認走光：「着晚裝實會打底，可能佢哋見到我甩咗少少雙面膠紙，所以大家先你幫吓我、我幫吓你整番。（貼乳貼？）我安全措施做得好足。（有傳因為你攞獎時唔記得Niki個名，佢先上載張相？）呢個真係唔好意思，嗰下我個腦一時空白，喺個台度又激動，但我唔信（Niki）係因為咁嘅原因，大家嗰晚都玩得好開心！Niki都有話唔好意思，一張微博相啫！冇所謂。」而Niki表示為免被誤會炒作才刪走照片，並說：「只係同幾個女仔開心影張相，我同阿田都覺得係誤會。」