亞太影展籌委會主席曾志偉對賽果滿意，對於李康生奪影帝，問到會否戥失落影帝的張家輝可惜，志偉笑說：「所以偉仔（梁朝偉）唔嚟囉！有評委話知家輝為部戲練咗好多嘢，但文戲喺影展會易攞分！」

曾志偉對亞太影展賽果滿意，並與影帝李康生（右）合照留影。

而頒獎禮上與台灣女星張鈞甯「撞衫」的薛凱琪說：「我知！髮型師、助手笑咗好耐，我係第一次（撞衫），冇尷尬，我鍾意條裙，多人着都開心！」問到誰穿得較漂亮，她說：「我唔會為自己打分，佢好靚，畀滿分！（你輸身材？）唔好比較。（認輸咪得囉！）咁我啲Fans會唔開心！」此外，她前晚與前黑人緋聞男友Reggie Martin密密斟。