鄭嘉穎與楊怡昨日奪得由內地網民選出的「中國內地最受歡迎TVB劇男、女藝人」,被問到會否因此加價?嘉穎笑說:「又唔能夠咁樣。」在旁的無綫高層樂易玲即笑他:「佢拍一套劇已經可以買一層樓,筍盤嚟!」嘉穎聞言即指「搵兩餐啫」。他又透露明年4月回巢拍警匪片,恨與「舊愛」佘詩曼合作。

嘉穎與楊怡獲選為「TVB內地視帝、后」,由TVBC及優酷土豆集團聯手頒獎。

鄭嘉穎

至於以白色露背晚裝上陣的楊怡領獎時感性地說:「如果唔投我,我今晚都唔知有冇機會攞獎。(擔心頒獎禮冇獎攞?)唔理啦!我有呢個獎已經好開心。(打敗內地人氣高企嘅亞軍佘詩曼!)真係o架?我都開心嘅,自己未攞過。」另外,她前晚與其他演員睇《On Call 36小時II》大結局時睇到落淚,對於馬國明被嘲「天然呆」,她說:「我都有笑埋一份,佢紮住頭個樣好傻。」而《On》劇大結局收視平均30點,無綫接16宗投訴指楊怡及馬國明戲份少。