江美儀憑《衝上雲霄II》奪「最佳女配角」，聞得獎已爆喊又攬實馬國明，她在台上激動地說︰「阿媽我得咗喇！」更指想攞飛畀父母睇都冇，又感謝無綫︰「幾年前想做戲冇人睇，曾經想放棄，多謝TVB幾年前收留我。」因古明華宣布她得獎時說︰「呢個女仔好幸運，好多人想咀馬明（馬國明），畀佢咀咗。」故她說︰「馬明，對唔住呀，要你啃我呢件嘢。」而馬明則向鏡頭晒V。事後她說︰「媽媽每年都嚟，每年都失望，不過今年冇嚟，世事就係咁！」至於許紹雄憑熱爆劇集《My盛Lady》後來居上奪「最佳男配角」，他在台上寸爆說︰「今晚唔係好多人熄機？TVB好無辜，發牌係政府，唔係TVB，要熄熄政府部機，唔係TVB嗰部。」他又幽默地說︰「對唔住屋企人，次次去旅行我都陪唔到，不過可以放心，好多攞完呢個獎都冇嘢撈！」他在後台繼續搞爛Gag，問他如何慶祝？他說︰「食碗粥囉！」直言奪獎感意外又透露無綫已加了人工。

最佳配角
江美儀攞獎又喊又攬馬國明。

許紹雄上台致謝時，不忘發揮幽默本色。