歌手衞蘭（Janice）及鍾舒漫（Sherman）等前晚出席戶外亮燈活動，期間因雨勢過大，加上突然停電，令活動立即叫停，而組合Fabel及goldEN等歌手亦未能獻聲。Janice表示聖誕節將與家人度過，事關媽媽將從韓國返港，問到可會帶緋聞男友見家長，她笑說：「都未係男友，得閒先見啦！都成一年冇見過媽咪，今次會抽多啲時間陪佢！」而師妹JW表示會舉行派對，還未拍拖的她大呻沒人追。

Sherman認為男友阿Deep畫畫欠天分。

至於Sherman則表示男友吳浩康（Deep）曾畫畫送給她，問到可有傳授畫功給男友，她說：「佢有叫我教佢畫畫。（資質如何？）唉，仲需要啲時間。（幫佢畫裸體素描？）唔好搞呢啲，畫Q版公仔得啦！」