由於今年是樂壇天后梅艷芳逝世十周年紀念，《梅艷芳四海一心慈善基金》和《芳心薈》合辦了《STAND BY ME 梅艷芳十周年愛心慈善月》活動，廖碧兒（Bernice）、戚黛黛、慈善基金主席蘇蔡潔蓮及其兒子蘇頌輝，昨日擔任啟動禮嘉賓。Bernice在活動後便要返內地為新劇造勢，將到內地發展的她對漸有成績感到高興，她日前還到家鄉順德出席祠堂飯宴，並成為首個擁有祠堂名牌的女性，她說：「本身祠堂係唔畀女性入，我係第一個，佢哋知我嘅成績，想我記住自己嘅根，都總算衣錦還鄉。（有冇畀鄉親催婚？）佢哋當我係男仔，依家做嘢好忙，連休息都冇時間！」她又指之前不慎病倒，還笑言需要男士照顧，要大家幫忙宣傳。問到是否明年三月有檔期，她即將責任推給經理人說：「問佢啦！但跟佢嘅藝人多數嫁得出，只係我唔太心急！」

「梅艷芳四海一心慈善基金」主席蘇蔡潔蓮（左起）、其子蘇頌輝及廖碧兒齊齊出席活動。