剛過生日的黃宗澤榮升老闆開蠔吧，不介意舊愛胡杏兒沒有短訊祝福，還笑言要請她歎蠔，又否認曾問杏兒借錢。

黃宗澤澄清從來沒有經濟問題。

胡杏兒

黃宗澤不停逗小女孩玩，愛心爆棚。

黃宗澤昨日出席商場聖誕節活動，本月13日33歲生日的他同時榮升老闆，籌備已久的蠔吧趕及開張，可謂雙喜臨門！黃宗澤表示生日要開工，只跟家人食飯慶祝，並透露收到朋友送的紅酒做禮物，當中有他生日年份釀製的紅酒，令他開心不已：「我媽咪都買咗一支送畀我，我都買咗支（出生年份），不過唔會飲，放喺屋企做個紀念。」問到舊愛胡杏兒有否祝他生日快樂？他即說：「冇喎！（杏兒話要嚟你餐廳食嘢！）好呀！我請佢食都得！」

賣樓搵阿媽搞

對於有傳他與杏兒有錢銀轇轕，將沙田一個單位轉售給她，黃宗澤說：「講嚟做乜，都唔係我處理，我阿媽處理嘅，我得閒死唔得閒病啦！（二人錢銀數目已搞掂？）咩錢？我真係唔知，問我阿媽啦！我唔理。（當中有原因？）有咩原因？我都好想知，咁私人嘅事，唔需要向人交代。（係因為稅務問題而轉名？）唔講啦！我識鬼搞呢啲咩！（賣樓予杏兒冇友情價？）我都唔記得層樓幾錢買番嚟。」對於被指炒燶股票而欠杏兒數百萬元，黃宗澤說：「我從來都冇炒過股票。（因為炒燶股問杏兒借錢？）冇出現過炒燶股票，大家太多聯想，我從來都冇經濟問題。」