張智霖（Chilam）老婆袁詠儀（靚靚）於亞太影展上不讓一眾後生女專美，與劉偉強一同行紅地氈的她，走中性路線穿黑色西裝褸現身，但內裏僅穿Bra Top，在場傳媒亦不禁睇到嘩嘩聲。問到為何如此性感？靚靚撒嬌說：「件衫係咁o架！經理人話唔好改人哋啲衫，畀我就想加粒鈕啦！（有冇畀老公睇過？）做乜要畀佢睇？（係咪因為你冇乜嘢係佢未睇過呀？）咪係囉！其實佢都覺得，我又有乜可以露吖！」
已為人母的靚靚依然省鏡，又何妨性感？
