「寸嘴Barbie」夏尉喻昨日化身性感聖誕女郎突襲銅鑼灣，在微寒之下大晒強勁「胸器」，更表演熱舞令鬧市升溫，吸引大批「龍友」喪影！提到她最近不時應邀返內地登台，但幸好尚未有人問過其「過夜價」，她亦講明絕不接受「副業」！

夏尉喻舞姿生硬，惟有以性感低胸舞衣搭夠。

「寸嘴Barbie」即場教男途人瘦面，但塊面再V，都唔夠件衫Deep V。

身材澎湃的「寸嘴Barbie」夏尉喻昨日到銅鑼灣出席護膚品牌活動，最初她穿上粉紅色大褸向市民派氣球，色彩搶眼但性感欠奉，但原來好戲在後頭！活動正式開始時，Barbie脫去大褸變身「低胸聖誕女郎」，露出強勁事業線，又與幾位Dancers表演跳舞，見她舞姿生硬，惟有以笑容搭夠，令微寒的鬧市頓時變得熱辣辣！她更與主持李綺雯即場教市民瘦面，吸引大批「龍友」包圍喪影。

對於要公開表演跳舞，Barbie自嘲天分麻麻，雖然跳的舞步不多，但仍畀足心機學了八個小時：「跳舞係一個大挑戰，我手腳唔係好協調，為呢個表演都練咗八個鐘頭。」她表示最近不時返內地登台，亦會獻唱快歌，但沒有晒「舞技」，只會跟隨節拍搞吓氣氛。

冇人問「過夜價」

對於女星張暖雅自爆登台時被問「過夜價」，Barbie表示沒有收過類似「查詢」：「我好好彩，冇人問過，公司都好保護我。（如果直接問你？）我點都唔制，唔會接受呢類工作。」提到在活動上教人瘦面，她表示以往被包包面問題困擾，因此最想去水腫及瘦面：「身形滿意，係塊面包包，好在近排產品幫到我瘦面。」