黎耀祥貴為三屆「視帝」，今年他憑台慶劇《法外風雲》獲提名「最佳男主角」及「最受歡迎電視男角色」獎項。雖然攞足3年獎，但祥仔謙稱希望今次以開派對的心態出席台慶:「今年一啲都唔緊張，自己攞過獎，其實喺觀眾同製作人心目中嘅肯定我已經攞咗。不過獎冇人嫌多，畀我一定開心。」由於今年視帝有「外人」黃子華、吳鎮宇及張智霖等加入戰團，祥仔坦言是好事，又鼓勵大家回巢拍劇：「頒獎禮都係公司嘅宣傳活動，希望大家支持。」

雖然今年多「外人」爭獎，但「親生仔」祥仔亦冇有怕！

祥仔（右）在《法》劇跟陳豪有精彩的對手戲，令人難忘。