憑《巨輪》成為台慶視后大熱的田蕊妮，日前走幾場試戰衣及鑽飾，她到中環MCM旗艦店試穿一件尚未定價的晚裝，自言非走性感路線，要以型格取勝，又自爆早前與老公杜汶澤旅行亦不敢放肆大食，並每日勤做一小時運動以保持最佳狀態。之後她到六福珠寶試戴逾百萬鑽飾，笑言每次都感壓力：「驚會跌咗啲石唔知點算，所以習慣將鑽飾戴晒一邊手，隻手成晚都唔郁。」

田蕊妮為明晚台慶頒獎禮精挑鑽飾。

魔術師甄澤權（左）與胡杏兒結伴出席活動。

至於以熱爆劇《衝上雲霄II》出戰的胡杏兒，昨日出席活動時透露忙揀戰衣，她看好阿田及鍾嘉欣封后，並說：「視帝就張智霖與吳鎮宇，不過聽聞鎮宇唔去。」當被問會否幫襯舊愛黃宗澤的蠔吧，她尷尬地說：「都會。（佢生日有冇傳短訊？）其實分開好耐，放過我啦！」同場的魔術師甄澤權則表示因早前的魔術節目令工作大增。