前樂隊Rednoon成員馬嘉均的處男騷《第二旅慈善演唱會》前晚在九龍灣舉行，獲歌手龍小菌、李卓庭及Fabel等現身力撐。馬嘉均在台上分享當年被女友嫌棄做音樂冇錢賺的經歷：「女友叫我不如轉Office工，我聽到唔開心，但搵唔到錢唔緊要，有你哋支持最緊要！」他又表示音樂會扣除成本後收益會作慈善用途，又坦承單飛開騷有點壓力：「之前夾Band好似有個保護罩，自己一個行出嚟就有啲緊張。」

龍小菌笑言要與馬嘉均（右）合組「龍馬精神」歌唱組合。