AGA坐貢多拉遊威尼斯

入行前曾任四年空姐的創作女歌手AGA（江海迦），對充滿藝術氣氛的西班牙情有獨鍾，她說：「可能因為爹哋有一半西班牙血統啦！我好鍾意西班牙人夠熱情同超好人，而且文化氣息好好，每隔一、兩條街就見到有人玩音樂，加上好欣賞嗰邊嘅教堂好特別，造得好Detailed（細緻）。」提起西班牙，又豈能不提集舞蹈及音樂於一身的Flamingo？AGA曾專程飛到西班牙欣賞Flamingo，她說：「如果喺劇院睇好貴，咁啱有次街頭表演啲人介紹我去另一度睇，嗰度有好Mini嘅劇院，雖然好細，但好地道！」早前她又與父親及家姐同遊意大利威尼斯，齊齊坐貢多拉。