剛考獲電單車牌的呂慧儀昨日上載一張與BB一同坐在電單車上的相片，但因BB坐在駕駛位置，疑觸犯法例！她得知「出事」後大感愕然，直言下次會多加留意。

呂慧儀咁大意，第日同老公生B記得要多加注意啦！

余文樂今年7月在網上上載一張與小童同坐司機位的相片，疑觸犯法例，事件引起軒然大波，結果樂仔要急急刪圖道歉。不過無綫「長腳蟹」呂慧儀似乎唔識驚，剛考獲電單車牌的她昨日在微博上載一張與BB坐電單車的相片。相中所見，呂慧儀手握電單車駕駛桿大擺甫士，而BB則坐在前面，她在微博寫道︰「考試合格！以後拍電單車戲請找我。」似乎未知有機會觸犯道路交通條例。

梁永鏗律師昨日於電話中表示呂慧儀有機會觸犯法例︰「因為BB年紀太細，而且無牌坐喺Control架車嘅位置，係有機會犯道路交通條例。」

向經理人求助

事後呂慧儀接受電話訪問，她得知有可能犯法後大感愕然︰「唔係呀嘛！停咗架車，腳架又未起，諗住擺吓甫士，仲係阿媽抱個B上嚟！佢係嗰度嘅工作人員，下次我會留意吓！」問到會否刪相？她說︰「咪會議論紛紛？要問吓經理人意見。」直至晚上九時許，呂慧儀在微博公開致歉，指因為考獲車牌太開心，所以上載了令大家誤會的照片，又再次強調當時電單車未有開動。