今年無綫台慶頒獎禮的視帝、后湧現不少熱門人選，在台慶夜被選為「藝員眼中的視帝、后」的馬國明和田蕊妮被看高一線，不過二人卻謙稱不心急，馬國明認為捱過攞獎才珍惜，阿田則自稱不會心雄。

馬國明認為娛樂圈是長途賽，希望儲經驗以實力贏獎。

叫雙飛的田蕊妮雖然成為大熱視后人選，但她不會因此心雄。

田蕊妮（右）憑與蕭正楠主演劇集《巨輪》「姚文英」一角，早在台慶夜被封「藝員眼中的視后」。

馬國明（右起）與楊怡、羅仲謙在《On Call 36小時II》中有不少對手戲。

田蕊妮大讚對手鍾嘉欣和徐子珊演得好及有性格。

馬國明和田蕊妮在台慶夜被選為「藝員眼中的視帝、后」，二人在下周一晚的頒獎禮角逐年度視帝、后，有獎打底可謂看高一線，不過二人卻很謙虛，馬國明並不心急，希望儲經驗以實力贏獎。近年他雖在多部劇集擔任男主角，但相比早已進軍內地市場的吳卓羲、林峯和黃宗澤等，他自嫌發展較慢：「始終大家嘅路唔同，好難比較。娛樂圈係長途賽，唔會知個運幾時嚟，所以好難計，只可以睇韌力夠唔夠。」

馬國明韌力十足，人緣又好，但他仍非常謙虛：「電視機入屋，容易畀觀眾受落，唔覺自己謙，可能唔係一出嚟就力捧，捱過會得來不易，得到就識得珍惜！」

讚鍾嘉欣演得好

至於阿田憑劇集《巨輪》「姚文英」一角早在台慶夜被封「藝員眼中的視后」，如今又入圍視后及「最受歡迎電視女角色」，叫雙飛的她頓成大熱視后人選，問到有否信心？她稱要講有，否則會蝕勢頭：「雖然已有『眼中視后』打底，但我唔會心雄，亦唔會覺得自己好勁。（視后係終極目標？）有獎對演員係好大肯定，往後條路會更易行，我嘅理念係將角色喺能力範圍演好，觀眾咁啱又鍾意呢個角色！其實頒獎禮唔係選美，冇得講臨場表現，因為啲劇已經拍好！」

迎戰對手鍾嘉欣和徐子珊，阿田大讚前者演得好，後者有性格，她說：「我唔存在感情分，攞獎有好多因素！」